XX. mendeko Euskararen Corpus estatistikoa

Testuingurua

Alfabetatzearen urtea dela eta (1990) arazo honen inguruan sortutako ikerketa nahiz argitarapen uholde izugarria antzematerik izan dugu.

Halaz ere,sortutako ekarpen ugarien artean ez du ematen gauza berri eta berezirik aurki daitekeenik.

Agian historiaren ildotik jorratutako ikerketak dira arrakasta handien lortu duten lanak baina funtsean aldez aurretik ezagututako bideak izan dira, honetan ere, errepikagarrienak.

Alde batetik ikuspegi soziologiko-politikoa (Freire, Fiori, Alvarez, Toro, etab.) edota beste era batez esanda, Hego Ameriketako eskola dugu ezagunena 1 ALVAREZ, B./TORO, J.B. Educación no formal. A.P.E. Bogotá, 1975. FRANCO, F. El Hombre, construcción progresiva. Marsiega. Madrid, 1971..

Ildo honetako ikuspegiak salatzen du irakasle eta ikasleen arteko muga, ez bait du onartzen batzu jakintsuak eta besteak ezjakin gisa hartu behar izatearena.

Bere aburuz irakaskuntza bankarioak e.a. gaurko metodologiaz, ezin dio ezalfabetasunak dakarren gizarte problematika (eskola porrota, marginazioa, ...) osoari erantzun eman.

Ondorioz bai metodologia baita ikuspegia bera aldatu beharra dago ala bestela ezalfabetasunari berari irtenbide efikaza bilatzeko bidean amore eman ez besterik.

Eskola honek aldarrikatzen duen kontzientziaziorako premia, batik bat helduen kasuetarako, azpimarratu izan da alfabetatzearen inguruan kaleratutako azken testuen artean.

Ikuspegi orokorretan irakur-idazketarako 2 CASTELL, S./LUKE, A. La alfabetización: Tecnología y Técnic. in Revista de Educación 188. 1989. planteamendu didaktikoak dira gehien barreiatu direnak.